Labour Tool Kit Shrama Samartya Scheme: ಕಟ್ಟಡ ಕಾರ್ಮಿಕರಿಗೆ 20000 ಟೂಲ್ ಕಿಟ್ ವಿತರಣೆ! ಇಲ್ಲಿದೆ ಮಾಹಿತಿ
ನೀವು ದಿನನಿತ್ಯ ಕಟ್ಟಡ ನಿರ್ಮಾಣ ಕ್ಷೇತ್ರದಲ್ಲಿ ದುಡಿಯುತ್ತಿದ್ದೀರಾ? ಹಳೆಯ, ಜೀರ್ಣಗೊಂಡ ಉಪಕರಣಗಳೊಂದಿಗೆ ಕೆಲಸ ಮಾಡಿ ದಣಿದು ಹೋಗುತ್ತಿದ್ದೀರಾ? ಕೆಲಸ ಮಾಡುವಾಗ ನಿಮ್ಮ ಸುರಕ್ಷತೆಯ ಬಗ್ಗೆ ಯಾವಾಗಲೂ ಚಿಂತೆ ಕಾಡುತ್ತಿದೆಯೇ? ಹಾಗಿದ್ದರೆ, ಈ ಸುದ್ದಿ ನಿಮ್ಮಿಗಾಗಿ ಈ ಮಾಹಿತಿ ಈಗಲೇ ಮಾಹಿತಿಯನ್ನು ಪಡೆಯಿರಿ.
ಕಟ್ಟಡ ಕಾರ್ಮಿಕರ ಕಷ್ಟ, ಅಪಾಯ ಮತ್ತು ಪರಿಶ್ರಮವನ್ನು ಮನಗಂಡಿರುವ ಕರ್ನಾಟಕ ಸರ್ಕಾರ, ಕಾರ್ಮಿಕರ ವೃತ್ತಿಜೀವನಕ್ಕೆ ಹೊಸ ದಿಕ್ಕು ನೀಡುವಂತಹ ಮಹತ್ವದ ಯೋಜನೆಯನ್ನು ಜಾರಿಗೆ ತಂದಿದೆ. ಅದೇ ‘ಶ್ರಮ ಸಾಮರ್ಥ್ಯ ಯೋಜನೆ’
ಇದು ಕೇವಲ ಸಹಾಯಧನವಲ್ಲ – ನಿಮ್ಮ ಕೆಲಸದ ಗುಣಮಟ್ಟ, ವೇಗ ಮತ್ತು ಸುರಕ್ಷತೆಯನ್ನು ಹೆಚ್ಚಿಸುವ ಸುವರ್ಣಾವಕಾಶ ಎಂದು ಹೇಳಬಹುದು.
ಏನಿದು ‘ಶ್ರಮ ಸಾಮರ್ಥ್ಯ ಯೋಜನೆ’?
ಈ ಯೋಜನೆಯ ಮುಖ್ಯ ಉದ್ದೇಶ, ಕಟ್ಟಡ ಕಾರ್ಮಿಕರನ್ನು ಕೇವಲ ದೈಹಿಕ ಶ್ರಮದ ಮೇಲೆ ಅವಲಂಬಿತರಾಗದೇ, ಆಧುನಿಕ ತಂತ್ರಜ್ಞಾನ ಮತ್ತು ಕೌಶಲ್ಯದಿಂದ ಶಕ್ತಿಮಂತರಾಗಿಸುವುದು.
ರಾಜ್ಯ ಸರ್ಕಾರದ ಈ ಯೋಜನೆಯಡಿ, ನೋಂದಾಯಿತ ಕಟ್ಟಡ ಕಾರ್ಮಿಕರಿಗೆ ₹20,000 ಮೌಲ್ಯದ ಅತ್ಯಾಧುನಿಕ ಟೂಲ್ಕಿಟ್ ಹಾಗೂ ಉಚಿತ ಕೌಶಲ್ಯ ತರಬೇತಿ ನೀಡಲಾಗುತ್ತಿದೆ. ಇದರಿಂದ ಕಾರ್ಮಿಕರು ಹೆಚ್ಚು ಸುರಕ್ಷಿತವಾಗಿ, ಕಡಿಮೆ ಸಮಯದಲ್ಲಿ ಉತ್ತಮ ಗುಣಮಟ್ಟದ ಕೆಲಸ ಮಾಡಬಹುದು.
ಈ ಯೋಜನೆಯ ಪ್ರಮುಖ ಸೌಲಭ್ಯಗಳು
ನೀವು ಮಾಡುವ ಕೆಲಸದ ಸ್ವಭಾವಕ್ಕೆ ಅನುಗುಣವಾಗಿ, ಈ ಟೂಲ್ಕಿಟ್ ನೀಡಲಾಗುತ್ತದೆ.
ಉದಾಹರಣೆಗೆ:
- ಮೇಸ್ತ್ರಿ ಕೆಲಸ
- ಪ್ಲಂಬಿಂಗ್
- ಎಲೆಕ್ಟ್ರಿಕಲ್
- ಪೇಂಟಿಂಗ್
- ಬಾರ್ ಬೆಂಡಿಂಗ್ ಮುಂತಾದ ಕೆಲಸಗಳಿಗೆ ತಕ್ಕಂತೆ
ಜರ್ಮನ್ ತಂತ್ರಜ್ಞಾನ ಮಾದರಿಯ, ಗುಣಮಟ್ಟದ ಮತ್ತು ದೀರ್ಘಕಾಲ ಬಾಳುವ ಉಪಕರಣಗಳು ಈ ಕಿಟ್ನಲ್ಲಿ ಇರಲಿವೆ.
ಸುರಕ್ಷತಾ ಕಿಟ್ ವಿತರಣೆ
ಕಾರ್ಮಿಕರ ಜೀವ ಅತ್ಯಂತ ಅಮೂಲ್ಯ. ಅದಕ್ಕಾಗಿ ಸರ್ಕಾರವು ಕೆಳಗಿನ ಸುರಕ್ಷತಾ ಸಾಮಗ್ರಿಗಳನ್ನು ಒದಗಿಸುತ್ತದೆ:
- ಹೆಲ್ಮೆಟ್
- ಬಲಿಷ್ಠ ಸೇಫ್ಟಿ ಶೂಗಳು
- ಕೈಗವಸುಗಳು (Gloves)
- ಕಣ್ಣಿನ ರಕ್ಷಣೆಗೆ ಸೇಫ್ಟಿ ಗ್ಲಾಸ್
ಇವು ಕೆಲಸದ ಸಮಯದಲ್ಲಿ ಅಪಘಾತಗಳ ಅಪಾಯವನ್ನು ಕಡಿಮೆ ಮಾಡುತ್ತವೆ.
ಉಚಿತ ಕೌಶಲ್ಯ ತರಬೇತಿ
ಕೇವಲ ಕಿಟ್ ಕೊಟ್ಟು ಬಿಡುವುದಿಲ್ಲ.
ಹೊಸ ಉಪಕರಣಗಳನ್ನು ಹೇಗೆ ಬಳಸಬೇಕು?
ಆಧುನಿಕ ರೀತಿಯಲ್ಲಿ ಕೆಲಸ ಮಾಡುವ ವಿಧಾನ ಏನು?
ಈ ಎಲ್ಲದರ ಬಗ್ಗೆ ಒಂದು ವಾರದ ಉಚಿತ ತರಬೇತಿ ನುರಿತ ತಜ್ಞರಿಂದ ನೀಡಲಾಗುತ್ತದೆ.
ಊಟ ಮತ್ತು ಉಪಹಾರದ ವ್ಯವಸ್ಥೆ
ತರಬೇತಿ ಅವಧಿಯಲ್ಲಿ ಚಹಾ, ತಿಂಡಿ, ಮಧ್ಯಾಹ್ನದ ಊಟ ಇವೆಲ್ಲವನ್ನೂ ಸರ್ಕಾರವೇ ಒದಗಿಸುತ್ತದೆ. ತರಬೇತಿಯ ಸಮಯದಲ್ಲಿ ನಿಮಗೆ ಯಾವುದೇ ರೀತಿ ಹಣ ನೀಡುವ ಅವಶ್ಯಕತೆ ಇರುವುದಿಲ್ಲ .
ಅದೇ ರೀತಿ ₹20,000 ಮೌಲ್ಯದ ಟೂಲ್ಕಿಟ್ ಪಡೆಯಲು ಒಂದು ವಾರದ ತರಬೇತಿಯನ್ನು ಕಡ್ಡಾಯವಾಗಿ ಪೂರ್ಣಗೊಳಿಸಬೇಕು.
ತರಬೇತಿ ಪಡೆದವರಿಗೆ ಮಾತ್ರ ಕಿಟ್ ವಿತರಿಸಲಾಗುತ್ತದೆ. ಇದು ನಿಮ್ಮ ಕೌಶಲ್ಯ ಹೆಚ್ಚಿಸಿಕೊಳ್ಳುವ ಅವಕಾಶವೂ ಹೌದು.
ಯಾರೆಲ್ಲ ಅರ್ಜಿ ಸಲ್ಲಿಸಬಹುದು?
ಈ ಕೆಳಗಿನ ಅರ್ಹತೆ ಹೊಂದಿರುವವರು ಅರ್ಜಿ ಹಾಕಬಹುದು:
- ಕರ್ನಾಟಕ ರಾಜ್ಯದ ಕಾಯಂ ನಿವಾಸಿಯಾಗಿರಬೇಕು
- ಕಾರ್ಮಿಕ ಇಲಾಖೆ ಅಥವಾ ಕಟ್ಟಡ ಕಾರ್ಮಿಕರ ಕಲ್ಯಾಣ ಮಂಡಳಿಯಲ್ಲಿ ನೋಂದಾಯಿತ ಚಾಲ್ತಿಯಲ್ಲಿರುವ ಲೇಬರ್ ಕಾರ್ಡ್ ಇರಬೇಕು
- ವಯಸ್ಸು 18 ರಿಂದ 60 ವರ್ಷಗಳೊಳಗೆ ಇರಬೇಕು
- ಕಳೆದ 12 ತಿಂಗಳಲ್ಲಿ ಕನಿಷ್ಠ 90 ದಿನಗಳ ಕೆಲಸದ ಅನುಭವ ಇರಬೇಕು
ಬೇಕಾಗುವ ದಾಖಲೆಗಳು
- ಲೇಬರ್ ಕಾರ್ಡ್
- ಆಧಾರ್ ಕಾರ್ಡ್
- ಬ್ಯಾಂಕ್ ಪಾಸ್ಬುಕ್
- ಮೊಬೈಲ್ ಸಂಖ್ಯೆ
- ಪಾಸ್ಪೋರ್ಟ್ ಅಳತೆಯ ಫೋಟೋ
ಅರ್ಜಿ ಸಲ್ಲಿಸುವ ವಿಧಾನ
- ನಿಮ್ಮ ಹತ್ತಿರದ ಗ್ರಾಮ ಒನ್ / ಕರ್ನಾಟಕ ಒನ್ / ಅಧಿಕೃತ ಸೈಬರ್ ಸೆಂಟರ್ ಗೆ ಭೇಟಿ ನೀಡಿ.
- ಸೇವಾ ಸಿಂಧು ಪೋರ್ಟಲ್ ಮೂಲಕ ಶ್ರಮ ಸಾಮರ್ಥ್ಯ ಯೋಜನೆಗೆ ಅರ್ಜಿ ಸಲ್ಲಿಸಲು ತಿಳಿಸಿ.
- ನೀವು ಅದಕ್ಕೆ ಬೇಕಾಗುವ ಅಗತ್ಯ ದಾಖಲೆಗಳನ್ನು ನೀಡಿ ನೋಂದಣಿ ಮಾಡಿಕೊಳ್ಳಬೇಕು.
- ಅರ್ಜಿ ಸಲ್ಲಿಕೆಯ ನಂತರ ಸಿಗುವ ಸ್ವೀಕೃತಿ ಸಂಖ್ಯೆ (Acknowledgement Number) ಅನ್ನು ಜೋಪಾನವಾಗಿ ಇಟ್ಟುಕೊಳ್ಳಿ.